Arestado ang dalawang batikang magnanakaw sa isinagawang buy-bust operation ng Station Drug Enforcement Team ng Iloilo City Police Station 1 sa Barangay General Hughes, City Proper, nito lamang ika-15 ng Hulyo 2024.
Kinilala ni Police Captain Roque Gimeno III, Officer-In-Charge ng Iloilo City Police Station 1, ang mga suspek na sina alyas “Marvin”, 36 anyos at alyas “Edwin”, 33 anyos, kapwa residente ng Barangay Calaparan, Arevalo, Iloilo City.
Nakuha sa mga suspek ang isang plastic sachet ng pinaghihinalaang shabu gamit ang Php6,500 na buy-bust money.
Nasamsam mula sa kanila ang 19 plastic sachets ng pinaghihinalaang shabu at iba pang non-drug evidence. Tinatayang higit kumulang 67 gramo ng pinaghihinalaang shabu ang nasamsam na may Standard Drug Price na Php455,600.
Ayon kay PCpt Gimeno III, ipinahayag niya na itinuturing ang dalawang naaresto na sangkot sa pagnanakaw at pagbebenta ng ilegal na droga.
Dagdag pa, may rekord na tatlong kaso ng pagnanakaw at robbery, habang si alyas Marvin ay may rekord na murder at pitong beses nang nahuli sa pagnanakaw.
Nahaharap ang mga suspek kasong paglabag sa Republic Act 9165 o Comprehensive Dangerous Drugs Act of 2002.
Hindi tumitigil ang kampanya ng Iloilo City PNP laban sa pinagbabawal na ilegal na droga upang mapanatili ang kaayusan at katahimikan sa kanilang nasasakupan tungo sa isang Drug Free Western Visayas.
Source: K5 News FM Iloilo 88.7
Panulat ni Pat Ryza Valencia
