Arestado ang Top 10 Regional Most Wanted Person sa ikinasang operasyon ng mga awtoridad sa Barangay Biaba Damag, Marawi City, Lanao del Sur nito lamang ika-14 ng Hulyo 2024.
Kinilala ni Police Lieutenant Colonel Gieson M Baniaga, Chief of Police ng Marawi City Police Station, ang suspek na si alyas “Phil”, na residente ng Purok 2, Anislangan, Maco, Compostela Valley, Davao De Oro.
Naging matagumpay ang isinagawang operasyon ng Marawi PNP katuwang ang Maco Police Station na nagresulta sa pagkakaaresto sa suspek sa bisa ng Warrant of Arrest sa kasong Rape na walang piyansa, Act of Lasciviousness at Sexual Assault na may piyansang Php180,000.
Ang nasabing suspek ay nakatala rin bilang Top 5 Municipal MWP ng Maco Municipal Police Station at Top 10 Regional MWP ng Police Regional Office 11.
Patunay lamang na ang Pambansang Pulisya ng Pilipinas katuwang ang iba’t ibang ahensya ng gobyerno ay patuloy sa pagpapatupad ng sinumpaang tungkulin kontra kriminalidad na naaayon sa mga programa ni Pangulong Ferdinand R. Marcos Jr., na magkaroon ng maunlad na bansa para sa sambayanang Pilipino tungo sa isang Bagong Pilipinas.
Panulat ni Patrolwoman Ma. Señora J Agbuya
