Arestado ang isang indibidwal sa pagbebenta ng baril sa isinagawang gun buy-bust operation ng mga awtoridad sa Purok 4, Barangay Pamorangon, Daet, Camarines Norte nito lamang Hulyo 13, 2024.
Kinilala ang suspek na si alyas “Fer”, 50, may asawa at residente ng Barangay IV, Daet, Camarines Norte.
Bandang 5:30 ng madaling araw ng isinagawa ang operasyon ng pinagsanib na mga operatiba ng Daet MPS, Camarines Norte PIU at Camarines Norte 2nd PMFC.
Naaresto ang suspek matapos makabili mula dito ng isang (1) yunit ng cal. 9mm pistol na may trademark DAEWOO na may serial number BA001998 at may kasamang walong (8) piraso ng bala para sa cal. 9mm; isang (1) piraso ng steel magazine na may walong (8) piraso ng bala para sa cal. 9mm (nakuha sa loob ng black belt bag); isang (1) piraso ng Php500 na may serial number na AD5269124 “marked money”; at pitong (7) piraso ng Php1,000 at labinlimang (15) piraso ng Php500 na boodle money.
Ang suspek ay mahaharap sa kasong paglabag sa Republic Act 10591 o ang Comprehensive Firearms and Ammunition Regulation Act.
Patuloy ang isinasagawang operasyon ng Daet PNP kontra loose firearms upang mapigilan ang anumang kriminalidad na maaaring mangyari dahil sa mga hindi lisensyadong baril.
Source: Daet MPS CNPPO
Panulat ni Pat Rodel Grecia
