Naaresto ng pulisya ang isang indibidwal sa Illegal Possession of Firearms and Ammunition sa Barangay Bagbag, Tanauan City, Batangas nito lamang ika-14 ng Hulyo 2024.
Kinilala ni Police Colonel Jacinto R Malinao Jr, Acting Provincial Director ng Batangas Police Provincial Office, ang nadakip na suspek na si alyas “Jose”, 34 taong gulang, tubong Caloocan at residente ng Barangay Bagbag, Tanauan City, Batangas.
Ayon kay PCol Malinao, sa pinagsanib na pwersa ng PIU, BPPO, SWAT BPPO, RMFB 403rd at Tanauan CCPS ay naisagawa ang paghahain ng search warrant sa suspek na nagresulta sa matagumpay na pagkakaaresto nito.
Nakuha rito ang iba’t ibang uri ng baril at bala na pawang walang lisensya at legal na dokumento.
Ang suspek ay nahaharap sa kasong paglabag sa Republic Act 10591 o ang Illegal Possession of Firearms and Ammunition.
Patuloy sa pagpapatupad ng mandato kontra kriminalidad ang Batangas Police Provincial Office alinsunod sa kampanya ng Bagong Pilipinas na panatilihin ang kapayapaan at kaayusan ng buong lalawigan.
