Gubat, Sorsogon (February 3, 2022) – Patay ang mag-asawa sa kanilang mismong bahay sa Barangay Paco, Gubat, Sorsogon pagkatapos pagbabarilin ng dalawang suspek na sakay ng motorsiklo bandang alas dose trenta ng madaling araw ng Pebrero 3, 2022.
Kinilala ang mag-asawa na sina Rodolfo E. Gaban at Gloria J. Gaban
Ayon mismo sa anak ng mga biktima, biglang pumasok sa bahay ang mga suspek at binaril sa ulo si Rodolfo. Nagmakaawa pa ang ina nito sa mga suspek na huwag siyang idamay subalit binaril din ito.
Patuloy ang imbestigasyon ng Gubat Municipal Police Station (MPS) sa pamumuno ni Police Major Christine Llorin, Chief of Police, upang matukoy ang pagkakakilanlan ng mga salarin para sa agarang pagdakip ng mga ito at upang mabigyan ng hustisya ang pamilya ng mga biktima.
Hinikayat din ni PMaj Llorin na makipagtulungan agad sa Gubat MPS ang sino mang nakakita sa pangyayari.
Source: Gubat MPS, Sorsogon PPO
####
Panulat ni Patrolman Adrian L Dayao, RPCADU 5
