Tinatayang Php125,000 halaga ng marijuana ang nadiskubre ng Benguet PNP sa isinagawang marijuana eradication sa Kaniogan, Badeo, Kibungan, Benguet nito lamang ika-14 ng Hulyo 2024.
Ayon kay Police Colonel Joseph Bayongasan, Provincial Director ng Benguet Police Provincial Office, naging matagumpay ang operasyon dahil sa pinagsanib na pwersa ng mga tauhan ng Kibungan Municipal Police Station, Provincial Drug Enforcement Unit/Provincial Intelligence Unit, Benguet Police Provincial Office, Regional Intelligence Unit at Philippine Drug Enforcement Agency-CAR.
Ang operasyon ay nagresulta sa pagkadiskubre ng dalawang plantasyon ng marijuana na may nakatanim na humigit kumulang na 625 piraso ng Fully Grown Marijuana Plants na may Standard Drug Price na Php125,000.
Bagamat walang nahuling cultivator, lahat ng Fully Grown Marijuana Plants ay binunot at sinunog sa naturang lugar.
Patunay lamang na ang Pambansang Pulisya ng Pilipinas katuwang ang iba’t ibang ahensya ng gobyerno ay patuloy sa pagpapatupad ng sinumpaang tungkulin kontra ilegal na droga na naaayon sa mga programa ni Pangulong Ferdinand R. Marcos Jr., na magkaroon ng maunlad na bansa para sa sambayanang Pilipino tungo sa isang Bagong Pilipinas.
