Binunot at sinunog ang tinatayang Php1,200,000 halaga ng Fully Grown Marijuana Plants ng mga operatiba sa isinagawang marijuana eradication sa Manggaan, Kayapa, Bakun, Benguet nito lamang ika-14 ng Hulyo 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang operasyon sa pagsisikap ng pinagsanib na pwersa ng Bakun Municipal Police Station, kasama ang Provincial Drug Enforcement Unit/Provincial Intelligence Unit Benguet PPO, Regional Intelligence Unit 14, at Philippine Drug Enforcement Agency-Cordillera.
Ang operasyon ay nagresulta sa pagkadiskubre ng isang plantasyon ng marijuana na may nakatanim na humigit kumulang 6,000 piraso ng marijuana na nagkakahalaga ng Php1,200,000 Standard Drug Price.
Bagamat walang nahuling cultivator, lahat ng mga binunot na fully grown na halaman ng marijuana ay kaagad ding sinunog sa mismong lugar.
Pinuri naman ni PCol Bayongasan ang mga operatiba sa kanilang matagumpay na operasyon at patuloy na paiigtingin ang kampanya kontra ilegal na droga upang matuldukan ang paglaganap ng ipinagbabawal na gamot sa kanilang nasasakupan.
Panulat Ni PSSg Juderick S Tasing
