Nagsagawa ng Awareness Lecture ang mga tauhan ng Maria Aurora Municipal Police Station sa Barangay Detailed, Maria Aurora, Aurora nito lamang Linggo, ika-14 ng Hulyo 2024.
Ang nasabing aktibidad ay pinangunahan ni Police Master Sergeant Eric DC Garcia, Operation PNCO, sa ilalim ng pangangasiwa at inisyatibo ni Police Major Desiree S Buluag, Chief of Police ng Maria Aurora MPS, katuwang ang Punong Barangay ng nasabing lugar.
Nagbahagi ng kaalaman ang mga tauhan ng Maria Aurora MPS sa mga opisyal ng barangay, Women sector at youth sector ng nasabing barangay.
Tinalakay ng mga awtoridad ang tungkol sa Anti-Illegal Drugs at Anti-Terrorism Awareness kaugnay sa selebrasyon ng ika-29th Police Community Relations (PCR) Month na may temang “Ligtas Ka Sa Bagong Pilipinas” at International Day Against Drug Abuse and Illicit Trafficking (IDADAIT).
Ito ay isang paraan ng ating mga kapulisan para hikayatin ang mamamayan na makiisa sa programa para sa kaayusan at kapayapaan ng komunidad.
Patuloy ang ating Pambansang Pulisya at pamahalaan sa mga aktibidad na naglalayong palakasin ang ugnayan ng komunidad na bumuo ng relasyon sa mga mamanayan lalo na sa kabataan upang makamit ang kaayusan at kapayapaan para sa hinahangad na maunlad na Bagong Pilipinas.
Panulat ni Patrolwoman Nikki Lyra Cinderella P Barbero
