Kaugnay sa pagdiriwang ng 29th Police Community Relations (PCR) Month ngayong Hulyo na may temang “Ligtas ka sa Bagong Pilipinas,” ay nagsagawa ang Regional Police Community Affairs and Development Unit (RPCADU) 6 ng Gift Giving Activity at pagbisita sa mga may sakit at may kapansanang mga PNP Retirees nito lamang Miyerkules ng umaga, ika-10 ng Hulyo 2024 sa Iloilo City.
Katuwang ang PNP Retirement and Benefits Administration Unit (PRBU) 6 ay namahagi ng grocery packs na naglalaman ng mga pangunahing pangangailangan ng mga benepisyaryo.
Layunin ng ganitong mga hakbang ang maipaabot ang malasakit at pagpapahalaga ng PNP sa kanilang mga retiradong miyembro.
Patunay ito na hindi nakakalimutan ng Philippine National Police ang mga naglingkod sa bayan, at patuloy silang sinusuportahan sa anumang paraan.
Sa pamamagitan ng mga aktibidad na ito, mas pinapalapit ng PNP ang kanilang sarili sa komunidad at ipinapakita ang kanilang dedikasyon sa pag-aalaga sa kanilang kapwa pulis, dahil sa Bagong Pilipinas ang gusto ng pulis, ligtas ka!.
Source: Pcadg Western Visayas
Panulat ni Pat Justine Mae Jallores
