Nagsagawa ng Tree Planting Activity ang mga tauhan ng Regional Community Affairs and Development Division (RCADD) kaugnay sa 29th Police Community Relations Month Celebration na ginanap sa Camp Marcelo A Adduru, Tuguegarao City, Cagayan nito lamang Huwebes, ika-11 ng Hulyo 2024.
Ang nasabing aktibidad ay inisyatibo ng RCADD sa ilalim ng pamumuno ni Police Colonel Edward M Guzman katuwang si Police Colonel Allen Rae F Co, Chief Regional Staff kasama ang iba pang miyembro ng Gallant Valley Cops.
Nagtulungan ang bawat indibidwal sa pagbubungkal at pagtatanim ng mga punongkahoy na naglalayong bigyan ng diwa ang pagmamalasakit sa kalikasan alinsunod sa PNP Core Value na “Makakalikasan”.
Tinatayang nasa 500 na seedlings ng narra ang naitanim ng mga kapulisan sa nasabing lugar.
Layunin ng programang ito na maprotektahan at mapanatili ang kagandahan ng kalikasan, at kapaligiran upang mabawasan ang hindi magandang epekto ng pagbabago ng klima o climate change.
Patuloy ang ating Pambansang Pulisya katuwang ang ibang ahensya ng gobyerno sa paghikayat sa mga mamamayan na pahalagahan at ingatan ang ating kalikasan para sa mas maunlad na Bagong Pilipinas.
Source: PRO2
Panulat ni Pat Michelline Ballada
