Timbog ang dalawang lalaki na tinaguriang National Most Wanted Person matapos magsagawa ng operasyon ang mga awtoridad sa Sitio Putaw, Barangay Lagunde, Pikit SGA BARMM nito lang madaling araw ng Hulyo 9, 2024.
Kinilala ni Police Lieutenant Colonel Romeo M Calamba, Officer-In-Charge ng Pikit Municipal Police Station, ang dalawang nahuling suspek na sina alyas “Sal”, 73 anyos, may-asawa at alyas “Mad”, 35 anyos, na pawang mga residente ng nasabing lugar.
Ayon kay PLtCol Calamba, naging matagumpay ang pagkakaaresto ng mga suspek dahil sa pinagsanib na pwersa ng Pikit Municipal Police Station, 1203rd Regional Mobile Force Battalion, 3rd Cotabato Provincial Mobile Force Company, Regional Intelligence Division 12- Team Echo, Regional Intelligence Unit 12, Regional Special Operation Group 12 at Provincial Intelligence Unit Cotabato Provincial Police Office sa bisa ng Warrant of Arrest na walang rekomendadong piyansa.
Nahaharap sa kasong paglabag sa Republic Act 9516 o Unlawful Possession of Explosives ang kakaharapin ng dalawang suspek.
Inatasan naman ni Pangulong Ferdinand Marcos Jr., ang PNP na mas palakasin pa ang kampanya laban sa kriminalidad para mapanatili ang seguridad at kapayapaan sa bansa.
Panulat ni Patrolwoman Flora Mae Asarez-RPCADU 12
