Tiklo ang isang babaeng tulak ng ilegal na droga at nasabat ang tinatayang Php421,600 sa ikinasang operasyon ng mga awtoridad sa Barangay Apopong, General Santos City nito lamang Hulyo 9, 2024.
Kinilala ni Police Brigadier General Augustus P Placer, Regional Director ng Police Regional Office 12, ang nahuling suspek na si alyas “Jelai Patoy”, 38 anyos, may asawa, walang trabaho at residente ng naturang lugar.
Bandang 8:30 ng umaga nang ikasa ng mga awtoridad ang operation sa mismong pamamahay ng suspek sa pangunguna ng mga operatiba ng General Santos City Police Office katuwang ang PDEA ROXII, CIU, at Regional Intelligence Division 12 Tracker Team 12.
Nakumpiska mula sa suspek ang anim na pakete ng hinihinalang shabu na may kabuuang Standard Drug Price na Php421,600, buy-bust money at iba pang drug paraphernalia.
Mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Patuloy sa mga operasyon kontra ilegal na droga ang PNP para sa drug-free na komunidad.
Panulat ni Patrolwoman Vina C Morales
