Arestado ang isang lalaki dahil sa pagbebenta ng smuggled cigarettes ng mga tauhan ng Don Carlos Municipal Police Station sa Purok 1, Barangay Kasigkot, Don Carlos, Bukidnon nito lamang ika-2 ng Hulyo 2024.
Ayon Kay Police Brigadier General Ricardo G Layug, Jr., Regional Director ng Police Regional Office 10, naaresto si alyas “Elbert”, 40 anyos, lalaki at residente ng nabanggit na lugar.
Batay sa ulat, isang concerned citizen, na nagreport sa kanilang himpilan na may nagbebeta ng mga smuggled cigarettes.
Pagdating ay nakita ng mga pulis ang suspek na nag-aabot ng apat na ream ng Commando Red na sigarilyo sa harap ng isang tindahan.
Nang humingi ng legal na dokumento na nagpapahintulot sa pagbebenta ng mga sigarilyo, bigo ang suspek na magbigay ng naturang mga dokumento at humantong sa kanyang agarang pag-aresto.
Sa operasyon, nakumpiska ng mga awtoridad ang 28 ream ng iba’t ibang sigarilyo, na may tinatayang market value na Php8,400.
Kasong paglabag sa Section 10 ng Republic Act 10643 (The Graphic Health Warning Law) ang isasampa laban sa suspek.
Pinuri naman ni PBGen Layug Jr., “The apprehension of the suspect and the seizure of smuggled cigarettes not only reflect our commitment to upholding the law but also our dedication to protecting public health by ensuring compliance with RA 10643 (The Graphic Health Warning Law). We urge the public to continue supporting our efforts by reporting any illegal activities, particularly in the selling of smuggled cigarettes, in their communities.”
