Muling nagsagawa ng Tree Planting Activity ang mga tauhan ng San Clemente Municipal Police Station na ginanap sa Sitio Dueg, Barangay Maasin San Clemente, Tarlac nito lamang ika-2 ng Hulyo 2024.
Ang nasabing aktibidad ay sa ilalim ng pangangasiwa ni Police Major Arnel A Cera, Chief of Police ng San Clemente MPS, kasama ang Philippine Army, CENRO Tarlac, Lions Club, Rainbow Alliance of San Clemente at Local Government ng San Clemente Tarlac.
Nagtulungan ang bawat indibidwal at nagtanim ng mga punong-kahoy na naglalayong bigyan ng diwa ang pagmamalasakit sa kalikasan alinsunod sa PNP Core Value na “Makakalikasan”.
Layunin ng programang ito na maprotektahan at mapanatili ang kagandahan ng kalikasan, at kapaligiran upang mabawasan ang hindi magandang epekto ng pagbabago ng klima o climate change.
Patuloy ang PNP katuwang ang ibang ahensya ng gobyerno sa paghikayat sa mga mamamayan na pahalagahan at ingatan ang ating kalikasan para sa mas maunlad na Bagong Pilipinas.
Panulat ni Patrolwoman Mildred A Tawagon
