Arestado ang isang wanted person sa kasong Theft sa isinagawang operasyon ng Zamboanga City Police Station 11 katuwang ang CIDMU-SIU at TSC-RMFB9 sa J.S Alano St., Barangay Zone 1, Zamboanga City nito lamang ika-3 ng Hulyo 2024.
Kinilala ni Police Captain Mohamar R Mariwa, Officer-In-Charge, ang suspek na si alyas “Alna”, 37 anyos, lalaki, at residente ng Sitio Lupa-Lupa, Barangay Mariki, Zamboanga City sa bisa ng Warrant of Arrest sa kasong pagnanakaw.
Patunay lamang na ang Pambansang Pulisya ng Pilipinas katuwang ang ibang ahensya ng pamahalaan ay hindi nagpapabaya sa sinumpaang tungkulin na hulihin ang mga taong tiwalag sa batas, para mapanatiling ligtas ang komunidad, at ipatupad ang kapayapaan ng bansa para sa umuunlad na bagong Pilipinas.
Panulat ni Patrolwoman Louise Marie V Conde
