Isinagawa ang Public Safety Police Basic Recruit Course Batch 2023-02 Class Alpha-Foxtrot “HIMAGLASIK” Graduation Ceremony sa Camp BGen Salipada K Pendatun, Parang, Maguindanao del Norte nito lamang ika-2 ng Hulyo 2024.
Pinangunahan ni Police Brigadier General Prexy D Tanggawohn, Regional Director ng PRO BAR, ang naturang seremonya na siya ring nagsilbing Panauhing Pandangal, katuwang ang iba pang mga opisyales.
May Kabuuang 292 ang nagsipagtapos sa Bangsamoro Police Basic Recruit Course Batch 2023-02 Class Alpha-Foxtrot na kinatawanan ng 38 na kababaihan at 254 na kalalakihan.
Binigyang parangal din ang Top 1 hanggang Top 3 na nakakuha ng matataas na marka sa buong klase at Leadership Award naman sa Class Battalion Commander.
Labis naman ang tuwa ng bawat pamilya ng nagsipagtapos sa bagong karangalan na kanilang napagtagumpayan.
Ipinahayag din ni PBGen Tanggawohn ang kanyang mainit na pagbati sa mga nagsipagtapos at sa kanilang pamilya. Pinayuhan din niya ang mga ito na laging itaguyod ang pangunahing gampanin bilang isang kasapi ng Philippine National Police at palaging maglingkod ng may integridad, karangalan, at katarungan.
Panulat ni Patrolwoman Veronica Laggui
