Nasabat ng pulisya ang Php544,000 na halaga ng ilegal na droga sa isinagawang drug buy-bust operation ng City Drug Enforcement Unit sa Barangay Our Lady of Lourdes, Jaro, Iloilo City nito lang ika-2 ng Hulyo 2024.
Kinilala ang suspek na si alyas “Alvin”, 36 taong gulang at residente ng Barangay Our Lady of Lourdes, Jaro, Iloilo City.
Ayon kay Police Lieutenant Nick Gallego, Team Leader ng CDEU, narekober mula sa suspek ang isang (1) plastic sachet ng pinaghihinalaang shabu (buy-bust item) at 22 plastic sachets ng pinaghihinalaang shabu na may kabuuang timbang na higit kumulang na 80 gramo at may Standard Drug Price na Php544,000.
Ang suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Layunin ng Iloilo City PNP na patuloy labanan ang paggamit ng ilegal na droga upang mapanatili ang kapayapaan at kaayusan sa kanilang nasasakupan.
Panulat ni Pat Ryza Valencia
Source: K5 News FM Iloilo 88.7
