Nakumpiska ang Php168,000 na hinihinalang shabu sa ikinasang buy-bust operation ng Don Carlos PNP sa Purok 1, Barangay Cabadiangan, Don Carlos, Bukidnon nito lamang Hunyo 30, 2024.
Ang naturang operasyon ay pinangunahan ni Police Major Jaemar M Paguidopon, Chief of Police ng Don Carlos Municipal Police Station.
Bandang 2:15 ng hapon nang ikinasa ang naturang operasyon na nagresulta sa pagkaaresto sa isang alyas ”Boboy”, lalaki, at nasa 39 anyos.
Nakumpiska mula sa suspek ang 24.77 gramo ng hinihinalang shabu na may Standard Drug Price na Php168,436, isang cellphone at isang unit ng XRM na motorsiklo.
Ang Pambansang Pulisya ng Pilipinas ay hindi titigil sa pagpapaigting kontra ilegal na droga para sa seguridad at kaligtasan ng komunidad.
