Pagkatapos ng epektibong pangungumbinsi ng mga kapulisan ng Naguilian ay boluntaryong sumuko sa kanila ang isang dating miyembro ng Communist Front Organization partikular ng Timpuyog iti Marigrigat nga Umili iti Naguilian o TIMUN na isang underground movement organization ng Anak Pawis sa La Union nitong Linggo, ika-30 ng Hunyo 2024.
Kinilala ni Police Colonel Dante Lubos, Officer-In-Charge ng La Union Police Provincial Office, ang sumukong indibidwal na si alyas “Edong”, 28 taong gulang at residente ng nasabing bayan.
Ayon kay alyas Edong, napagdesisyonan niyang bumalik sa pamahalaan upang magkaroon siya ng payapa at matiwasay na pamumuhay at para maging malaya mula sa mga pananakot at obligasyon mula sa komunistang grupo.
Ang pagbabalik-loob sa pamahalaan ay siguradong magdadala ng mga bagong oportunidad para sa personal na pag-unlad ng sumukong indibidwal, na kailanman ay hindi makakamit sa ilalim ng mga ilegal na organisasyon.
Ang pagtigil sa armadong pakikibaka at pagsuporta sa Bagong Pilipinas ay mahalaga para sa pangmatagalang kaunlaran at seguridad ng bansa.
Source: Naguilian Police Station
Panulat ni PMSg Bader Ceasar Ayco
