Naisakatuparan ng Cagayano Cops ang pagdiriwang ng ika-29th Police Community Relations Month na may temang “Ligtas Ka sa Bagong Pilipinas” nito lamang ika-1 ng Hulyo 2024.
Ang aktibidad ay pinangunahan ni PCol Julio S Gorospe Jr, Provincial Director ng Cagayan PPO, at naging panauhing pandangal si Gng. Ma. Irene Isabel Cabel, NAPOLCOM Cagayan Provincial Officer na nagbigay ng inspirasyon sa lahat ng dumalo kung saan ipinahayag niya ang di-matawarang halaga ng isang matatag na ugnayan sa pagitan ng kapulisan at mamamayan, ang isang relasyon na nagbibigay pag-asa at seguridad sa ating bayan.
Samantala, binigyang diin naman ni PCol Gorospe, ang kahalagahan ng pagkakaisa at pagtutulungan upang makamit ang isang ligtas at maunlad na bayan.
Ang matagumpay na aktibidad ay resulta ng pagsisikap ng Provincial Community Affairs and Development Unit kung saan ang aktibidad na ito ay hindi lamang selebrasyon kundi isang paalala, na sa kabila ng mga hamon at panganib, ang ating kapulisan ay laging handang maglingkod at mag-alay ng buhay para sa isang ligtas at mapayapang Bagong Pilipinas.
Source: Cagayan Police Provincial Office
Panulat ni Pat Richelle Ledesma
