Nasabat ang tinatayang Php714,000 halaga ng shabu ng mga tauhan ng Ma-a Police Station na nagresulta sa pagkakadakip ng isang High Value Individual sa Purok 17-B, Corner Marañon, Datu Luho, Barangay Ma-a, Davao City nito lamang Hunyo 30, 2024.
Kinilala ni Police Major Kevin Lew D Garing, Station Commander ng Ma-a Police Station, ang suspek na si alyas “Mahid”, 27 anyos, magsasaka, residente ng Barangay Raya, Tamparan, Lanao del Sur at tinaguriang Top 1 Regional Level High Value Individual.
Naaresto ang suspek sa pinagsanib na puwersa ng Ma-a Police Station, Station Drug Enforcement Team, Davao City Police Office at Regional Mobile Force Battalion 11 at PDEA.
Narekober naman mula sa suspek ang tatlong pakete ng shabu, isang cellphone, sling bag, personal money at buy-bust money at nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Samantala, ang pamahalaan at PNP ay nakatuon sa kampanya laban sa ilegal na droga at kriminalidad sa pakikipagtulungan at suporta ng komunidad, na may iisang hangarin para sa isang mapayapang bansa.
Panulat ni Patrolwoman Shairra Rose A Aquino
