Ipinagdiwang ng Police Regional Office 13 ang kauna-unahang PNP (Pamilya ng Pulis) Family Day na ginanap sa Camp Colonel Rafael C Rodriguez, Butuan City nito lamang Hunyo 29, 2024.
Pinangunahan ni Police Brigadier General Alan M Nazarro, Regional Director ng PRO 13, ang aktibidad kasama ang mga miyembro ng Command Group at ang Regional Staff, Personal staff, at Chiefs ng Regional Support Units.
Dinaluhan ng mahigit 219 miyembro ng pamilya ng Caraga pulis, kabilang ang 17 dependents ng mga tauhan na napatay sa mga operasyon ng pulisya, 20 retiradong tauhan, at mga pamilya ng NUP ang nakatanggap ng frontline services at food packs.
Kabilang sa mga serbisyong inalok ay ang pagbigay ng counseling para sa mga tatanggap; pagpoproseso ng mga ID card; serbisyong medikal at dental; pagproseso ng Police Clearance at legal counseling sa mga kaso ng VAWC at iba pang krimen; libreng legal na payo.
Isinagawa ang aktibidad alinsunod sa Flagship Program ni Chief PNP, Police General Francisco Marbil na magbigay ng serbisyo katuwang ang iba pang ahensya ng gobyerno at Non-government tulad ng TESDA; DOLE; PhilHealth Regional Office 13, Department of Human Settlements and Urban Development 13, at mga libreng punla at sariwang gulay mula sa Department of Agriculture 13.
“We are grateful to our nation’s Top Cop, Police General Marbil who wanted us and our families to get the same assistance and services being provided during PCR related activities. This program, which will be conducted quarterly, recognizes the exemplary contributions of our PNP personnel and our loves ones, who serve as our pillars of support and inspiration in the performance of our sworn mandate,” Ani PBGen Nazarro.
Panulat ni Patrolwoman Karen Mallillin
