Nakumpiska ang tinatayang 584 loose firearms at 46 na pampasabog sa buong rehiyon ng Caraga mula Enero 1, 2021 hanggang Hunyo 26, 2024 sa pinaigting na kampanya kontra loose firearms ng mga operatiba ng pulisya mula sa ulat ng Regional Operations Division 13 sa Camp Colonel Rafael C Rodriguez nito lamang Hunyo 27, 2024.
Ayon kay PBGen Alan Nazarro, Regional Director PRO13, nasa 554 na short firearms at 30 light weapons tulad ng pistol, revolver, modified shotgun, at carbine ang nakumpiska ng CARAGA Cops.
Tinatayang nasa 482 baril ang isinuko habang 45 sari-saring loose firearms ang isinuko ng mga dating miyembro ng Communist Terrorist Groups sa naturang rehiyon.
May kabuuang 20 indibidwal naman ang inaresto sa pamamagitan ng search warrant at 29 na iba pa ang inaresto sa pagtugon ng pulisya. Dahil dito, kinasuhan ang mga suspek ng paglabag sa Republic Act 10591, o Comprehensive Firearms and Ammunition Regulation Act.
“As we proceed to the remaining months of 2024, may these accomplishments reflect our continuing efforts to curb crimes involving loose firearms. I also implore the participation and support of every peace-loving Caraganon on this endeavor,” ani PBGen Alan Nazarro.
Panulat ni Pat Karen A Mallillin
