Boluntaryong nagbalik-loob ang isang miyembro ng Communist Terrorist Group (CTG) sa kapulisan ng Mahayag Municipal Police Station kasama ang ZSPIU sa Purok 2 Poblacion Mahayag, Zamboanga del Sur nito lamang Hunyo 28, 2024.
Kinilala ni Police Major Renante B Benitez, Acting Chief of Police, Mahayag MPS, ang nagbalik-loob na si alyas “Roger”, 64 taong gulang, kasal, miyembro ng CTG mula sa Higpit Organisadong Masa (HOM)/Trusted Strong Mass Supporter sa Sangay Partido Lokalidad (SPL) at residente ng Barangay Tulan, Mahayag, Zamboanga del Sur.
Agad namang nakatanggap ng sako-sakong bigas, groceries at monetary assistance ang sumuko mula sa pamahalaan at tiniyak pa nito na makakatanggap pa ng karagdagang tulong pangkabuhayan sa ilalim ng Enhanced Comprehensive Local Integration Program (E-CLIP) ng gobyerno kabilang na ang pagkakaroon ng cash incentives, educational assistance at paglahok sa mga livelihood programs na magagamit niya sa pagbabagong buhay.
Ang pagbabalik-loob ng dating rebelde ay nagpapakita na ang ating gobyerno ay seryoso na wakasan na ang insurhensiya at terorismo sa bansa upang makamit ang isang bayan na tahimik, mapayapa at maunlad tungo sa Bagong Pilipinas.
