Arestado ng pulisya ang Rank 4 Most Wanted Person ng Calabarzon sa pinagsanib na pwersa ng mga operatiba ng Bauan Municipal Police Station, Provincial Intelligence Unit – Batangas, Regional Intelligence Unit 4A, at Provincial Intelligence Team – Batangas sa Barangay Tartaro, San Miguel, Bulacan nito lamang Hunyo 27, 2024.
Kinilala ni PBGen Paul Kenneth T Lucas, Regional Director ng PRO 4A ang Rank 4 Regional Most Wanted Person na si alyas “Butch,” 41, na nadakip sa bisa ng Warrant of Arrest sa kaso nitong pagpatay sa biktima na kinilalang si alyas “Marcelo,” noong February 3, 2020, sa Barangay Ligaya, Mabini, Batangas.
Binigyang-diin ni PBGen Lucas na ang tagumpay na operasyong ito ay resulta ng masinsinang pagtitipon ng impormasyong kailangan ng operatiba at koordinasyon sa iba’t ibang ahensyang nagpapatupad ng batas sa loob ng CALABARZON at ng komunidad.
“Ang pag-aresto na ito ay binibigyang-diin ang aming pangako sa pagpapanatili ng kapayapaan at kaayusan sa aming rehiyon. Sa aktibong suporta ng iba’t ibang ahensyang nagpapatupad ng batas sa loob ng CALABARZON at sa ating mga komunidad, matagumpay nating nahuli ang pugante na ito,” aniya.
“Rest assured that we will continue to pursue justice and ensure the safety of our communities, dahil dito sa Bagong Pilipinas, ang Gusto ng Pulis, Ligtas ang lahat,” dagdag pa ni PBGen Lucas.
Source: Bauan PNP
Panulat ni Patrolwoman Maria Sarah P Bernales
