Tinatayang Php170,000 halaga ng Fully Grown Marijuana Plants ang nadiskubre ng mga operatiba sa isinagawang marijuana eradication sa Nantoon, Kayapa, Bakun, Benguet nito laman ika-22 ng Hunyo 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang operasyon sa pinagsanib na pwersa ng mga pulisya sa pangunguna ng Bakun Municipal Police Station, katuwang ang Provincial Drug Enforcement Unit/Provincial Intelligence Unit, Benguet PPO, Regional Intelligence Unit-14, at Philippine Drug Enforcement Agency-CAR.
Ang operasyon ay nagresulta sa pagkadiskubre ng isang plantasyon ng marijuana na may kabuuang sukat na 850 square meters na may nakatanim na humigit kumulang 850 piraso ng Fully Grown Marijuana Plants na nagkakahalaga ng PhP170,000.
Bagamat walang nahuling cultivator, lahat ng Fully Grown Marijuana Plants ay sinunog sa mismong lugar.
Pinuri naman ni PCol Bayongasan ang mga operatiba sa kanilang matagumpay na operasyon kaugnay sa Benguet PPO’s “OPLAN RIVERSIDE 3” na naglalayong matuldukan ang paglaganap ng ipinagbabawal na gamot sa kanilang nasasakupan.
Ang pagpuksa ay bilang pagsuporta sa isinusulong ng kasalukuyang administrasyon na maging ilegal drug-free ang ating bansa tungo sa mas mapayapang Bagong Pilipinas.
Panulat ni Patrolwoman Melanie Amoyong
