Nasakote ng Pasig City Police Station sa bisa ng Warrant of Arrest sa manhunt operation ang lalaking lider ng Chavez Criminal Group nito lamang Linggo, Hunyo 23, 2024.
Kinilala ni Police Colonel Celerino M Sacro Jr, Chief of Police ng Pasig CPS, ang akusado na si alyas “Jerry Chavez”, 23 anyos, lalaki, binata, walang trabaho at residente ng Barangay Caniogan, Pasig City.
Ayon sa ulat, naganap bandang 12:00 ng madaling araw nang ikasa ang operasyon ng pinagsamang tauhan ng Station Intelligence Section (Lead Unit), Special Reaction Unit, at RMFB4A 404th A Maneuver Company.
Nang makita ang target na akusado na nakatambay sakay ng nakaparadang motorsiklo sa kahabaan ng Mahogany Dela Paz Street, Barangay Caniogan, Pasig City, na nagresulta ay matagumpay na naihain ang Warrant of Arrest para sa kasong Robbery.
Patuloy naman ang EPD sa walang humpay na pagsisikap at intelligence network sa kampanya ng PNP laban sa mga wanted na persons upang mabigyan ng hustisya at panagutin sa mga krimen na kanilang ginawa.
Source: Pasig PNP
Panulat ni PSSg Remelin M Gargantos
