Nakumpiska ang tinatayang Php10,665,000 halaga ng hinihinalang smuggled cigarettes habang timbog ang isang lalaki sa isinagawang Anti-smuggling operation ng mga tauhan ng Indanan Municipal Police Station sa Sitio Smart, Barangay Kajatian, Indanan, Sulu noong ika-22 ng Hunyo 2024.
Kinilala ni Police Captain Ergie T. Wanawan, Hepe ng Indanan MPS, ang suspek na si alyas “Jim”.
Naging matagumpay ang pagkakaaresto sa suspek dahil sa pagtutulungan ng mga awtoridad ng Indanan MPS, MARPSTA Sulu, RMU BAR, 1st Provincial Mobile Force Company Sulu PPO, Regional Mobile Force Battalion 14, CIDG Sulu Provincial Forensic Unit, at Regional Investigation Unit 9.
Nakumpiska mula sa suspek ang may kabuuang 300 kahon na smuggled cigarettes na binubuo ng 193 kahon ng Hero cigarettes na nagkakahalagang Php7,720,000; 35 kahon ng Berlin cigarettes na nagkakahalaga ng Php1,050,000; 34 kahon ng Gift cigarettes na nagkakahalaga ng Php680,000; 17 kahon ng Astro cigarettes na nagkakahalagang Php425,000; 2 kahon ng Royal cigarettes na nagkakahalaga ng Php30,000; at 19 kahon ng YS cigarette na nagkakahalaga ng Php760,000 na may kabuuang halagang Php10,665,000.
Ang PNP ay patuloy na palalakasin at paiingtingin ang kampanya kontra kontrabando upang maging ligtas tungo sa isang maunlad na bansa.
Panulat ni Patrolwoman Veronica Laggui
