Arestado ang isang lalaki matapos mahuli sa aktong pagbebenta ng ilegal na baril sa isinagawang operasyon ng mga tauhan ng Roxas City Police Station sa Bangbang Street, Barangay Inzo, Roxas City noong ika-21 ng Hunyo 2024.
Naaresto ang 30 anyos na lalaki na ilegal na nagbebenta ng isang Smith and Wesson .38 caliber revolver na baril na walang serial number sa halagang Php3,600 sa nagpanggap na police poseur buyer.
Nakumpiska rin mula sa kanyang pag-iingat at kontrol ang isang (1) pirasong sport sling bag na kulay itim na naglalaman ng pera at apat (4) na pirasong cartridge ng .38 caliber.
Mahaharap ang suspek sa kasong paglabag sa Republic Act 10591 o Comprehensive Firearms and Ammunition Regulation Act.
Patuloy ang Roxas City PNP sa kanilang pagsisikap na panatilihin ang kaayusan at katahimikan sa kanilang nasasakupan.
Source: PCADG Western Visayas
Panulat ni Pat Charmaine Balunsat
