Naharang at nakumpiska ng Alcala PNP ang kahoy na nagkakahalaga ng Php77,450 sa isang checkpoint sa Baybayog, Cagayan noong ika-19 ng Hunyo 2024.
Ayon sa isang concerned citizen, ang Isuzu Forward Truck, na nagmula sa Barangay Jurisdiction, Alcala, ay minamaneho ni Vincent, 31 anyos, binata, at residente ng Baggao, Cagayan.
Ang nasabing truck ay may lulan ng 1,549 board feet ng iba’t ibang sukat ng kahoy.
Ayon sa PNP Alcala, walang naipakitang legal na dokumento ang nasabing driver at sila ay nakipagkoordina sa DENR Baybayog bago isagawa ang operasyon at nasaksihan ito ng dalawang barangay kagawad.
Ang suspek ay mahaharap sa kasong paglabag sa Revised Forestry Reform Code of the Philippines na pansamantalang nasa kustodiya ng Alcala PNP para sa tamang dokumentasyon at disposisyon.
Ang Alcala PNP ay patuloy na magsasagawa ng Anti-Illegal Logging Operation sa probinsya upang mapangalagaan ang kalikasan at matiyak na mapanagot ang sinumang lumabag sa batas.
Source: Alcala Police Station
Panulat ni PCpl Kelvin Paul Juan
