Tinatayang Php172,924 halaga ng shabu ang nasabat sa dalawang drug personality sa isinagawang buy-bust operation ng pulisya sa Barangay Rizal, San Fernando, Camarines Sur nito lamang Hunyo 19, 2024.
Kinilala ang dalawang suspek na sina alyas “Uding”, 45 anyos, karpintero at alyas “Toni”, 35 anyos na residente ng nasabing bayan.
Bandang 3:30 ng hapon nang ikasa ang operasyon ng mga operatiba ng San Fernando Municipal Police Station, Camarines Sur Provincial Intelligence Unit, RMFB 5 at PDEA na nagresulta sa pagkakaaresto sa dalawang suspek at pagkakakumpiska ng mga pakete ng hinihinalang shabu na may kabuuang halaga na Php172,924.
Nahaharap ang dalawang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang pagkakadakip ng suspek ay bunga ng walang humpay na kampanya kontra ilegal na droga ng Camarines Sur PNP upang panatilihing ligtas at payapa ang nasasakupang komunidad tungo sa drug free na Bagong Pilipinas.
Source: PNP Kasurog Bicol
Panulat ni Pat Rodel Grecia
