Nasamsam sa isang Street Level Individual ang granada at shabu sa ikinasang checkpoint operation ng mga otoridad sa kahabaan ng Provincial Road Poblacion, Kabacan, Cotabato nito lamang Hunyo 18, 2024.
Kinilala ni Police Captain Romel M Guhiling, Deputy Chief of Police ng Kidapawan Municipal Police Station, ang nahuling suspek na si alyas “Indeg”, 24 anyos, may asawa, at residente ng Barangay Magatos, Kabacan, Cotabato.
Naging matagumpay ang pagsasagawa ng operasyon dahil sa pinagsanib na pwersa ng Kidapawan Municipal Police Station, 2nd Cotabato Provincial Mobile Force Company at Regional Special Operation Group 12.
Narekober mula sa suspek ang isang granada, isang maliit na plastic sachet ng pinaghihinalaang shabu, isang tooter at isang motorsiklo.
Kasong paglabag sa Republic Act 9516 o Unlawful Possession of Explosives at kasong RA 9165 o “Comprehensive Dangerous Drugs Act of 2002.”
Patuloy ang buong hanay ng PNP sa kampanya laban sa lahat ng uri ng kriminalidad at ilegal na droga upang mapanatili ang kaayusan at kapayapaan ng bansa.
Panulat ni Patrolwoman Flora Mae Asarez
