Tiklo ang walong suspek sa ikinasang operasyon ng mga awtoridad na nagresulta ng pagkakasabat ng Php1,564,000 ng shabu sa Zone 1, Capili Compound, Barangay Grace Ville, CSJDM, Bulacan, nito lamang Miyerkules, ika-19 ng Hunyo 2024.
Ipinahayag ni Police Colonel Relly B Arnedo, Provincial Director ng Bulacan Police Provincial Office, ang operasyon ay pinangunahan ng San Jose Del Monte City Police Station na nagresulta sa matagumpay na pagkakaaresto ng walong drug peddlers.
Nakumpiska mula sa suspek ang 11 piraso ng transparent plastic sachets na naglalaman ng shabu, na may timbang na humigit-kumulang 230 gramo at may Standard Drug Price na Php1,564,000, tatlong piraso ng Php1,000 bill bilang marked money, at isang belt bag.
Nahaharap sa kasong paglabag sa Article II, Section 5, at Section 11 ng Republic Act 9165, o mas kilala bilang Comprehensive Dangerous Drugs Act of 2002.
Ang Bulacan PNP ay nagpapakita ng walang humpay na pagsusumikap na sugpuin ang mga aktibidad na may kinalaman sa droga at dakpin ang mga nagkasala, upang matiyak ang isang mas ligtas na kapaligiran para sa lahat.
Source: Bulacan Police Provincial Office
