Nasabat ang tinatayang Php206,176 halaga ng hinihinalang shabu at baril mula sa dalawang drug personality kabilang na ang Top 7 City Drug Personality nito lamang ika-19 ng Hunyo 2024 sa 300 Bustamante Street, Purok Sto. Rosario, Barangay Buhangin Proper, Davao City.
Kinilala ni Police Major Manuel Kristian T Salgadao, Officer-In-Charge ng Ecoland Police Station, ang dalawang suspek na sina alyas “Jao-Jao”, 38 anyos at alyas “Elsie”, 35 anyos.
Narekober mula sa mga suspek ang 30.32 gramo ng hinihinalang shabu, improvised glass tube tooter, improvised lighter, dalawang disposable lighter, improvised wooden clipper at dipper, isang rolyo ng aluminum foil, gunting, cellphone, ID, sling bag, isang yunit ng revolver at buy-bust money.
Mahaharap sa kasong paglabag sa Republic Act 9165 o Comprehensive Dangerous Drugs Act of 2002 at Republic Act 10591 (Comprehensive Firearms and Ammunition Regulation Act).
Samantala ang laban kontra kriminalidad ay patuloy na pinapaigting ng Police Regional Office 11 sa pamumuno ni Regional Director Police Brigadier General Nicolas D Torre III alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Patrolwoman Shairra Rose A Aquino
