Kalaboso ang isang drug watchlist High Value Individual (HVI) sa ikinasang buy-bust operation ng mga awtoridad at nakumpiska ang tinatayang Php170,000 halaga ng shabu sa Barangay San Jose, Talisay, Camarines Norte nito lamang Hunyo 19, 2024.
Kinilala ang naarestong suspek na si alyas “Badong”, 41 anyos, construction worker at nakalista bilang isang High Value Individual sa nasabing lugar.
Isinagawa ang operasyon ng pinagsanib na mga operatiba ng PIU, Talisay MPS, RPDEU, PPDEU, at RSOU5 kasama ang PDEA ROV na nagresulta sa pagkakaaresto ng suspek.
Nakumpiska sa operasyon ang limang pakete ng shabu na may timbang na 25 gramo at may halagang Php170,000.
Inihahanda na ang reklamo para sa kasong paglabag sa Republic Act 9165 o Comprehensive Dangerous Drugs Act of 2002 laban sa suspek.
Puspusan ang PNP Bicol sa pagsagawa ng mga operasyon laban sa ilegal na droga upang masiguro ang kapayapaan at kaligtasan ng kanilang mga nasasakupan tungo sa isang drug free na Bagong Pilipinas.
Source: PNP Kasurog Bicol
Panulat ni Pat Rodel Grecia
