Arestado ang Top 1 Provincial Most Wanted Person ng Surigao del Sur sa kasong Frustrated Murder sa ikinasang operasyon ng mga awtoridad sa Purok Uno, Barangay Bunawan, Davao City nito lamang ika-16 ng Hunyo 2024.
Kinilala ni Police Major Jake C Goles, Station Commander ng Bunawan Police Station, ang suspek na si alyas “Leo”, 39 anyos, isang drayber at na naninirahan sa Purok 6-A, San Fernando, Bislig, Surigao del Sur.
Naaresto ang suspek sa bisa ng Warrant of Arrest na inihain ng pinagsamang puwersa ng mga tauhan ng Bunawan Police Station, Bislig City Police Station, Surigao del Sur Police Provincial Office at TSC Regional Mobile Force Battalion 11.
Mahaharap sa kasong Frustrated Murder at Kidnapping na may piyansa na nagkakahalaga ng Php200,000 ang naturang suspek.
Samantala, ang laban kontra kriminalidad ay patuloy na pinapaigting ng Police Regional Office 11 sa pamumuno ni Regional Director Police Brigadier General Nicolas D Torre III, alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Patrolwoman Shairra Rose A Aquino
