Nakiisa ang mga awtoridad sa ikinasang Clean-up Drive ng Department of Interior and Local Government (DILG) Maitum na may temang “BarKaDa” o Barangay Kalinisan Day na idinaos sa Barangay Malalag, Maitum Sarangani Province nito laman Sabado, Hunyo 15, 2024.
Nakiisa ang mga tauhan ng Maitum Municipal Police Station sa pangunguna ni Police Major Ramil B Aruelo, Hepe ng Maitum MPS, kasama ang BFP, Philippine Army, Philippine Coast Guard at Barangay Peacekeeping Action Teams (BPATs).
Ang aktibidad ay hindi lamang naglalayong panatilihin ang kalinisan ng kapaligiran kundi pati na rin ang pagtutulungan at pagkakaisa ng bawat isa sa pamayanan.
Sa pamamagitan ng “Barangay Kalinisan Day,” ipinapakita ng DILG at mamamayan ng Sarangani ang kanilang dedikasyon sa pagtataguyod ng isang malinis, ligtas, at maayos na kapaligiran para sa lahat na isang hakbang tungo sa mas maunlad at malinis na komunidad.
