Boluntaryong sumuko sa mga tauhan ng Datu Odin Sinsuat Municipal Police Station ang isang wanted person sa kasong Murder sa Tamontaka Sub-Station, Barangay Tamontaka, Datu Odin Sinsuat, Maguindanao del Norte nito lamang ika-14 ng Hunyo 2024.
Kinilala ni Police Lieutenant Colonel Sahibon M Mamantal, Hepe ng Datu Odin Sinsuat Municipal Police Station, ang sumukong akusado na si alyas “Jo”, 33, magsasaka at residente ng Barangay Kabuling, Pandag, Maguindanao del Norte.
Ayon kay PLtCol Mamantal, boluntaryong nagtungo at sumuko ang akusado sa naturang istasyon sa inihaing Warrant of Arrest sa kasong RPC Art 248 o Murder na walang piyansa.
Patunay lamang na ang PNP katuwang ang iba’t ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad na naaayon sa agenda ng gobyerno na itaguyod ang kaayusan at kaligtasan ng publiko, kapayapaan, at seguridad at magkaroon ng maunlad sa isang Bagong Pilipinas.
