Arestado ang isang 28 anyos na lalaki na nag-aamok at may dalang baril ng mga tauhan ng Iligan City PNP sa Barangay Tambacan, Iligan City nito lamang ika-16 ng Hunyo 2024.
Kinilala ang suspek na isang 28 taong gulang na residente ng nasabing lugar.
Bandang 11:30 ng gabi nang makatanggap ng tawag mula sa isang concerned citizen ang tanggapan ng Iligan Ciy Police Station 4 na may nag-aamok at nagpaputok ng baril.
Agad namang nirespondehan ng mga tauhan ng Iligan City Police Station na nagresulta sa pagkakaaresto sa suspek at pagkakakumpiska ng isang Cal .38 Revolver na may dalawang bala.
Ang suspek ay nahaharap sa kasong Alarm and Scandal at Republic Act 10591 o Comprehensive Firearms and Ammunition Regulation Act.
Ang Iligan City PNP ay patuloy sa layunin na makalap at mahanap lahat ng loose firearms para maiwasan na magamit ito sa krimen at mapanatili ang seguridad at kaligtasan ng mamamayan sa bawat komunidad.
