Tinatayang Php126,000 halaga ng marijuana seedlings ang nadiskubre ng mga operatiba sa isinagawang marijuana eradication sa Sitio Bana, Tacadang, Kibungan, Benguet nito lamang ika-7 ng Hunyo 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang operasyon sa pagsisikap ng pinagsanib na pwersa ng mga pulisya sa pangunguna ng Kibungan MPS, kasama ang Benguet 1st PMFC, Drug Enforcement Unit/Provincial Intelligence Unit Benguet PPO at Philippine Drug Enforcement Agency-Coedillera.
Ang operasyon ay nagresulta sa pagkadiskubre ng dalawang plantasyon ng marijuana seedlings na may nakatanim na humigit kumulang 3,150 piraso ng marijuana seedlings na nagkakahalaga ng Php126,000 Standard Drug Price.
Bagamat walang nahuling cultivator, lahat ng mga binunot na fully grown na halaman ng marijuana ay naidokumento at sinunog sa mismong lugar.
Pinuri naman ni PCol Bayongasan ang mga operatiba sa kanilang matagumpay na operasyon at patuloy na paiigtingin ang kanilang kampanya kontra ilegal na droga upang matuldukan ang paglaganap ng ipinagbabawal na gamot sa kanilang nasasakupan.
Ang pagpuksang ito ng kapulisan ay bilang tugon at suporta sa isinusulong ng kasalukuyang administrasyon na maging drug free ang ating bansa tungo sa Bagong Pilipinas.
Panulat ni PSSg Juderick S Tasing
