Tuluyan nang winakasan ang pakikibaka at nagbalik-loob sa pamahalaan ang dalawang miyembro ng Underground Mass Organization sa himpilan ng 2nd Samar Provincial Mobile Force Company Headquarters sa Barangay Pabanog Paranas, Samar nito lamang ika-3 ng Hunyo 2024.
Kinilala ni Police Lieutenant Colonel Alex C Dang-aoen, Force Commander ng 2nd Samar PMFC ang mga nagbalik-loob na sina alyas “RJ”, 59 anyos, UGMO Auditor at alyas “Abi”, 61 anyos, pawang mga residente ng Barangay Cristina, Jiabong Samar at mga miyembro ng Samahang Gudti na Parag-uma (SAGUPA) Sinirangang Visayas a Communist Front Organization (CFO).
Ang matagumpay na pagbabalik-loob ng mga ito ay resulta ng patuloy na panawagan at pakikipagnegosasyon ng mga tauhan ng Intelligence Operatives ng 2nd Samar Provincial Mobile Force Company at Regional Intelligence Unit 8.
Ang mga nagbalik-loob ay nasa kustodiya ng 2nd Samar PMFC para sa dokumentasyon bago sumailalim sa programa ng ating gobyerno na Enhanced Comprehensive Local Integration Program o E-CLIP.
Samantala, nakatanggap naman sila ng agarang tulong pinansyal mula sa kapulisan.
Muling hinimok ng PNP ang iba pang mga miyembro at tagasuporta ng rebeldeng grupo na iwaksi ang maling ideolohiya at magbalik-loob sa pamahalaan upang makasama ang kanilang mga mahal sa buhay at mamuhay ng mapayapa.
Panulat ni Patrolwoman Ma. Elena B Singian
