Tuloy- tuloy ang pangangalaga ng kapaligaran ng 1st Provincial Mobile Force Company ng Bataan Police Provincial Office sa pamamagitan ng Tree Planting Activity sa Sitio Tama, Barangay Mambog, Hermosa, Bataan nito lamang Sabado, ika-1 ng Hunyo 2024.
Ang naturang aktibidad ay pinangunahan ni PLtCol Joelito R Orias, Force Commander ng 1st Provincial Mobile Force Company, Bataan Police Provincial Office.
Kaugnay ito sa PNP Core Values na “Maka-kalikasan” na naglalayong mapangalagaan ang ating kalikasan at mapadami ang puno na nakatanim sa ating kapaligiran upang mabawasan ang polusyon at maiwasan ang pagbaha.
Samantala, patuloy naman ang paghikayat ng Pambansang Pulisya sa mga kababayan na makiisa sa aktibidad upang pagyamaning muli ang ganda ng Inang kalikasan para makamit ang isang mayabong at maunlad na pamayanan.
Panulat ni Digna Jane Tenorio Malubay
