Arestado ng mga awtoridad ang isang wanted person sa kasong murder sa Sitio Manabing, Barangay Mabini, Malangas, Zamboanga Sibugay noong ika-29 ng Mayo 2024.
Kinilala ni Police Captain Russel Jan C Parungao, Officer in Charge ng Malangas Municipal Police Station, ang suspek na si alyas “Mal”, 30 anyos, may asawa, walang trabaho, at residente ng naturang lugar.
Naging matagumpay ang pagkakaaresto sa suspek sa isinagawang pagsuko nito sa Malangas MPS, katuwang ang 5th SOU-MG, Mabuhay MSBC, 903rd MC RMFB9, ZSB 1st PMFC na may koordinasyon sa barangay officials.
Naaresto ang suspek sa bisa ng Warrant of Arrest sa kasong Murder na walang nirekomendang piyansa.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad na naaayon sa mga programa ni Pangulong Ferdinand R. Marcos Jr. na magkaroon ng maunlad na bansa para sa sambayanang Pilipino tungo sa isang Bagong Pilipinas.
Panulat ni Pat Joyce Franco
