Isinagawa ng Cagayano Cops ang 2nd Quarter Bloodletting Activity sa lungsod ng Tuguegarao, Cagayan nito lamang ika-28 ng Mayo 2024.
Ito ay pinangunahan ni Police Colonel Julio S Gorospe Jr. Provincial Director ng Cagayan Police Provincial Office na may temang, “Dugong Magiting: Donate Blood to Save Lives.”
Katuwang sa aktibidad ang Police Community Affairs and Development Unit at Cagayan Valley Medical Center’s Blood Bank, na nakakuha ng suporta mula sa iba’t ibang sektor kabilang ang mall management, local government units, at volunteer groups sa lalawigan ng Cagayan.
Sa naging mensahe ni PCol Gorospe Jr. ay ipinahayag niya ang kahalagahan ng pagkakaisa at pagtutulungan sa paglilingkod sa komunidad.
Pinuri niya ang dedikasyon ng CPPO at ng mga kasosyo nito, na itinatampok ang kanilang tungkulin bilang mga ahente ng pag-asa at pakikiramay.
Sa naturang aktibidad ay nasa isang daan at labing isa ang naging matagumpay na blood donor.
Ang ganitong programa ng Pambansang Pulisya ay sumasalamin sa hindi natitinag na dedikasyon para sa komunidad tungo sa marangal na layuning makapagligtas ng mga buhay.
Source: Cagayan Police Provincial Office
Panulat ni Pat Leinee Lorenzo
