Arestado ang tatlong indibidwal sa kasong Alarm and Scandal na inaksyunan ng San Francisco Municipal Police Station sa Purok Mauswagon, Barangay Poblacion, San Francisco, nito lamang Mayo 26, 2024.
Kinilala ni Police Colonel Laudemar M Laude, Provincial Director, ang mga suspek na si alyas Jeyben, 30, at residente ng Mangkilam, Tagum City; alyas “Marlou”, 21, at residente ng Claveria, Misamis Oriental na pawang mga construction worker at si alyas “Carlito”, 56, foreman, at residente ng San Juan, Cagayan de Oro City.
Ayon kay PCol Laude, dakong alas-6:00 ng umaga nang arestuhin ng mga awtoridad ang tatlong katao na kinasuhan ng alarm and scandal ng mapansin ng duty desk police officer ang isang lalake na tumatakbo, na sinundan ng isa pang lalakeng may hawak na bladed weapon na dumaan sa harap ng San Francisco Municipal Police Station Building.
Bunga ng agarang aksyon ng San Francisco PNP sa nasabing kaguluhan na nagdulot ng alarma at iskandalo sa mga nasasakupan, mabilis na naaresto ang tatlong suspek.
“As we strive towards a safer and more peaceful Surigao del Norte, SDN PNP reaffirms our commitment to upholding the rule of law and ensuring the safety and security of every community in this province. We will immediately respond to the untoward incidents to make sure that the community is secure and peaceful,” ani PD Laude.
Panulat ni Pat Karen A Mallillin
