Nasakote sa ikinasang buy-bust operation ang Top 10 Regional Priority Target/High Value Individual ng Ozamiz City PNP sa Barangay Tinago, Ozamiz City, Misamis Occidental nitong ika-24 ng Mayo 2024.
Kinilala ang High Value Individual na suspek na isang 30 taong gulang at residente ng nasabing lugar na tinaguriang Top 10 Regional Priority Target.
Naaresto ang suspek sa ikinasang buy-bust operation ng mga operatiba ng Ozamiz City Police Station katuwang ang 2nd Provincial Mobile Force Company – Misamis Occidental, Provincial Drug Enforcement Unit – Mis Occ at Provincial Intelligence Unit – Mis Occ.
Sa operasyon ay nakuha ang isang pakete ng hinihinalang shabu bilang buy-bust item, limang pakete ng hinihinalang shabu, dalawang malaking pakete ng hinihinalang shabu at isang Php 1,000 bill na ginamit bilang buy-bust money.
Nahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Nagpapatunay lang ito na hindi tumitigil ang Misamis Occidental PNP sa paglaban sa ilegal na droga at anumang uri ng kriminalidad upang maging payapa at ligtas ang nasasakupang komunidad.
