Arestado ang dalawang drug personalities sa Purok 5, Barangay San Isidro, Bunawan District, Davao City nito lamang Mayo 27, 2024.
Kinilala ni Police Major Jake C Goles, Station Commander ng Bunawan Police Station, ang mga suspek na sina alyas “Jomar”, 22 anyos, manggagawa at tinaguriang Top 8 City High Value Individual at alyas “Jef”, 22 anyos na isang estudyante.
Sa pakikipagtulungan ng SDET ng Bunawan Police Station at PDEA, narekober mula sa mga suspek ang dalawang pakete ng hinihinalang shabu na may bigat na humigit kumulang 11.67 gramo at may Standard Drug Price na Php79,356, isang cellphone, coin purse, personal na pera at buy-bust money.
Mahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Samantala, ang laban kontra sa ilegal na droga ay patuloy na pinapaigting ng Police Regional Office 11 sa pamumuno ni Regional Director Police Brigadier General Aligre L Martinez alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Pat Shairra Rose A Aquino
