Nakumpiska ang tinatayang Php3,400,000 halaga ng shabu sa dalawang High Value Individual sa isinagawang joint buy-bust operation sa Poblacion Dalican, Datu Odin Sinsuat, Maguindanao Del Norte noong Mayo 25, 2024.
Kinilala ni Police Lieutenant Colonel Richard Palay, Chief ng PNP Drug Enforcement Group Special Operations Unit 15, ang mga suspek na sina alyas “Zur”, 35 anyos, vendor, at alyas “Uji”, 19 anyos, vendor, na kapwa residente ng Sitio Kalsada, Barangay Tambak, Sultan Kudarat, Maguindanao Del Norte.
Naging matagumpay ang pagkakaaresto sa mga suspek sa isinagawang joint buy-bust operation ng mga tauhan ng PNP Drug Enforcement Group Special Operations Unit 15 katuwang ang Datu Odin Sinsuat Municipal Police Station, Regional Drug Enforcement Unit, Provincial Drug Enforcement Group MDN PPO, Integrity Monitoring and Enforcement Group, at Philippine Drug Enforcement Agency nang magpanggap na poseur buyer ang isa sa mga operatiba na nagresulta sa pagkakaaresto sa mga nasabing suspek.
Nakumpiska mula sa mga suspek ang dalawang piraso ng knot tied plastic sachets na may laman na pinaghihinalaang shabu at anim na medium size heat-sealed transparent sachet na pinaghihinalaan ding shabu na may bigat na 500 gramo at tinatayang nagkakahalaga ng Php3,400,000, isang Php1000 bill na nakapatong sa 599,000 boddle money na ginamit bilang buy-bust money, isang brown paper bag, dalawang plastic bag color black at transparent, dalawang cellular phones, isang Kawasaki Barako tricycle.
Samantala, ang mga naarestong suspek ay mahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Ang Pambansang Pulisya katuwang ang iba’t ibang ahensya ng pamahalaan ay patuloy sa pagpapaigting ng kanilang kampanya kontra ilegal na droga. Ito ay alinsunod sa isa sa pangunahing prayoridad ng adminitrasyon na labanan ang mga sindikato ng droga sa pamamagitan ng pagpigil sa kanilang mga ilegal na aktibidad at pagbuwag sa kanilang mga operasyon.
Panulat ni Pat Ma. Señora Agbuya
