Arestado ng Mati City PNP ang Most Wanted Person sa kasong Frustrated Murder nito lamang ika-21 ng Mayo 2024 sa Purok Paypay, Barangay Tagbinonga, Mati City.
Kinilala ni Police Major Al Anthony Gumban, Acting Chief of Police ng Mati City Police Station, ang suspek na si alyas “Arnold”, 28 anyos, isang magsasaka at residente ng nasabing lugar.
Ayon pa kay PMaj Gumban, naaresto ang suspek sa bisa ng Warrant of Arrest na inihain ng Mati CPS Tracker Team sa pakikipagtulungan sa CIDG Davao Oriental Provincial Forensics Unit, 1103rd MC RMFB 11 at 2nd DOPMFC/ Davao Oriental Provincial Mobile Force Company.
Ang suspek ay mahaharap sa kasong Frustrated Murder na may piyansang php200,000 ang halaga.
Patuloy naman ang pagsasagawa ng Manhunt Charlie operation ng tauhan ng Police Regional Office 11 sa pangunguna ni Regional Director Police Brigadier General Aligre L Martinez upang hulihin ang lahat ng wanted person sa rehiyon onse.
Panulat ni Pat Shairra Rose A Aquino
