Arestado ang isang Wanted Person sa kasong paglabag sa Republic Act 9165 sa Barangay BPS Village, Malabang, Lanao del Sur noong ika-21 ng Mayo 2024.
Kinilala ni Police Lieutenant Novelle J Natavio, Hepe ng Kapatagan Municipal Police Station, ang suspek na si alyas “Adi”, 40 anyos at residente ng Barangay Bayanga Sur, Matanog, Maguindanao del Norte.
Ayon kay PLt Natavio, bandang 3:30 ng hapon nang maaresto ng mga operatiba ng Kapatagan Municipal Police Station ang suspek sa inihaing Warrant of Arrest sa kasong paglabag sa Section 11, Article II, R.A. 9165 o Comprehensive Dangerous Drugs Act of 2002 na may piyansang Php120,000.
Sa pagkamit ng Bagong Pilipinas ng kasalukuyang administrasyon ay may mithiing panatilihin ang payapa at ligtas na bansa katuwang ang hanay ng kapulisan na hindi mapapagod sa pagsasagawa ng operasyon upang mapanagot ang mga lumalabag sa saligang batas.
Panulat ni Pat Veronica Laggui
